მეგობრებო გაეცანი, ძალიან საინტერესოა!

 მიხეილ ბატიაშვილი: „რეფორმის ყველა მიმართულებაზე კონკრეტული ნაბიჯები გადადგმულია და განხორციელება აქტიურ ფაზაში შედის“

განათლების, მეცნიერების, კულტურისა და სპორტის სამინისტრო საზოგადებისათვის განათლების სისტემაში მიმდინარე რეფორმების გაცნობას იწყებს. უხლოეს დღეებში, რეფორმის კონკრეტულ დეტალებს საზოგადოებას თავად მინისტრი მიხეილ ბატიაშვილი გააცნობს, რომელის თქმით, ექსპერტთა ჩართულობით შემუშავებული განათლების რეფორმის ათი პაკეტი, რომელიც ყველა მიმართულებას მოიცავს და მიზანს საზოგადოებისთვის დეტალური ინფორმაციის მიწოდება წარმოადგენს თუ რა გაკეთდა ბოლო თვეების განმავლობაში.

„რეფორმის ყველა მიმართულებაზე კონკრეტული ნაბიჯები გადადგმულია და განხორციელება აქტიურ ფაზაში შედის. რეფორმათა პაკეტი ფუნდამენტურ ცვლილებებზეა ორიენტირებული და თითოეულ მათგანზე სამინისტრო საზოგადოებას დეტალურ ინფორმაციას ყოველკვირეულად, მუდმივ რეჟიმში, მიაწვდის“ - განაცხადა მინისტრმა ჟურნალისტებთან შეხვედრისას.

განათლების ახალი მოდელი მოცავს როგორც სკოლამდელ და ზოგად განათლებას, ასევე ინფრასტრუქტურის განვითარებას, ინოვაციასა და ტექნოლოგიებს, უსაფრთხოებას, ეროვნულ გამოცდებს, ხარისხის უზრუნველყოფას უმაღლეს სასწავლებლებში, უნივერსიტეტების დაფინანსების ახალი მოდელის დანერგვას, პროფესიულ განათლებას, მეცნიერებას, განათლების კლასტერებს და ა.შ.

როგორც მინისტრმა ჟურნალისტებთან შეხვედრაზე განაცხადა, სკოლამდელი განათლების მთავარი მიმართულება პიროვნული განვითარების ფუნდამენტი იქნება. ამავდროულად, გულისმობს ხელმისაწვდომობის ზრდას, ახალი სასწავლო პროგრამების დანერგვას, პედაგოგების გადამზადებასა და დამხმარე ელექტრონული რესურსების შექმნას მშობლებისათვის. სკოლამდელი განათლების სტანდარტი ეტაპობრივად ყველა ასაკობრივი ჯგუფისთვის დაინერგება.

ზოგადი განათლების კუთხით, დაინერგება სკოლის ახალი მოდელი, რომლის მთავარი ამოცანა მოსწავლეების კომპლექსური აზროვნების განვითარება იქნება. ახალი მოდელი ითვალისწინებს აგრეთვე სკოლის დირექტორის ლიდერად ჩამოყალიბებას, გადამზადებულ პედაგოგებს, განახლებულ ინფრასტრუქტურას და ა.შ.

პროფესიული განათლების მიმართულებით დაინერგება სწრაფი, დასაქმების მოქნილი მოდელი, რომელიც ორიენტირებული იქნება, რეგიონულ განვითარებაზე და სწრაფ დასაქმებაზე.

უმაღლესი განათლების კუთხით, მთავარი ამოცანა საქართველოს უმაღლესი განათლების სისტემის ევროპულ უმაღლესი განათლების სივრცეში ინტეგრაცია და განათლების ხარისხის საერთაშორისო სტანდარტის დანერგვა, ამასთან უნივერსიტეტების დაფინანსების ახალი მოდელის შექმნა იქნება.

განათლების რეფორმის ერთ-ერთი მნიშვნელოვანი მიმართულებაა მეცნიერთა და ზოგადად, სამეცნიერო მიმართულების განვითარება და ხელშეწყობა, რათა გახდეს ერთიანი ევროპული სამეცნიერო სივრცის ნაწილი.

მინისტრის თქმით, განთლების რეფორმა ყველა მიმართულებისათვის კომპლექსურ მიდგომას გულისხმობს და ის განათლების ერთიანი სისტემის ტრანსფორმაციას უზრუნველყოფს.


წყარო: http://mes.gov.ge/content.php?id=8862&lang=geo

საღამო მშვიდობის მეგობრებო!


ეს საინტერესოა!

საერთაშორისო სასწავლო ოლიმპიადები 2018

განათლების სისტემაში მიმდინარე რეფორმა გულისხმობს საქართველოში განათლების დონის საერთაშორისოსტანდარტებთან გათანაბრებას და ახალგაზრდებში ისეთი ცოდნის მიღებასა და უნარების განვითარებას, რომელიცპასუხობს თანამედროვე სამყაროს გამოწვევებსა და მოთხოვნებს. აღნიშნული მიზნის მიღწევის ერთ-ერთიეფექტური საშუალებაა მოსწავლეთა საერთაშორისო სასწავლო ოლიმპიადებში მონაწილეობა.

საერთაშორისო ოლიმპიადები გამოირჩევიან მასშტაბურობით და ხანგძლივი გამოცდილებით. მაგ. მათემატიკის საერთაშორისო ოლიმპიადას (IMO) საფუძველი ჩაეყარა 1959 წელს რუმინეთში და მასში მხოლოდ 7 ქვეყანა იღებდა მონაწილეობას. დღეისათვის მონაწილე ქვეყნების რაოდენობა 100-ზე მეტია. ფიზიკის საერთაშორისო ოლიმპიადა პირველად 1967 წელს ჩატარდა პოლონეთში და დღეისთვის მასში 90-მდე ქვეყანა მონაწილეობს, ინფორმატიკის ოლიმპიადა (IOI) დაიწყო 1989 წელს ბულგარეთში და მასში 80-ზე მეტი ქვეყანაა ჩართული, ქიმიის ოლიმპიადა (IChO) 1968 წლიდან ტრდება და 90-მდე მონაწილე ქვეყანას აერთიანებს, ხოლო ბიოლოგიის (IBO) ოლიმპიადა იმართება 1989 წლიდან და მასში მონაწილეობას ღებულობს 60-ზე მეტი ქვეყანა. აღნიშნულ ოლიმპიადებს ყოველწლიურად სხვადასხვა ქვეყნები მასპინძლობენ.

საერთაშორისო სასწავლო ოლიმპიადებზე საქართველოს ნაკრებ გუნდებს ბოლო 10 წლის მანძილზე მოპოვებული აქვს 3 ოქროს, 13 ვერცხლის, 64 ბრინჯაოს მედალი და 38 საპატიო სიგელი.

საქართველო 2018 წლის საერთაშორისო სასწავლო ოლიმპიადებზე მოსწავლეთა ნაკრებ გუნდებს წარადგენს ხუთ დისციპლინაში: ქიმიაში, ფიზიკაში, ინფორმატიკაში, მათემატიკაში და ბიოლოგიაში.

ფიზიკის, მათემატიკის, ბიოლოგიისა და ქიმიის საერთაშორისო სასწავლო ოლიმპიადებისათვის საქართველოს ნაკრები გუნდის წევრები შეირჩევა 2018 წლის ეროვნული სასწავლო ოლიმპიადის მესამე ტურის შედეგებისა და შესარჩევი ტურების შედეგად, ხოლო ინფორმატიკის საერთაშორისო სასწავლო ოლიმპიადაზე მონაწილე საქართველოს ნაკრები გუნდი დაკომპლექტება სამინისტროს მიერ კონკურსის წესით შერჩეული ორგანიზაციის მიერ ორგანიზებული ინფორმტიკის ოლიმპიადის შედეგებისა და შესარჩევი ტურის შედეგად.

შესარჩევი ტურები გაიმართება შემდეგი განრიგით:

ა) მათემატიკა და ბიოლოგია:

აა) პირველი ტური - 5 მაისი

ა.ბ) მეორე ტური - 6 მაისი

ბ) ფიზიკა და ქიმია:

ბ.ა) პირველი ტური - 12 მაისი

ბ.ბ) მეორე ტური - 13 მაისი

გ) ინფორმატიკა

გ.ა) პირველი ტური - 19 მაისი

გ.ბ) მეორე ტური - 20 მაისი

შესარჩევი ტურების შედეგებისა და საპრეტენზიო განაცხადების განხილვის შედეგების მიხედვით, საქართველოს ნაკრები გუნდების წევრებსა და სარეზერვო შემადგენლობას ამტკიცებს საქართველოს განათლებისა და მეცნიერების მინისტრი ინდივიდუალური ადმინისტრაციულ-სამართლებრივი აქტით.

საქართველოს ნაკრები გუნდები მათემატიკაში, ფიზიკაში, ინფორმატიკაში, ბიოლოგიასა და ქიმიაში, რეზერვისტებთან ერთად საერთაშორისო სასწავლო ოლიმპიადაზე დადგენილი წესის შესაბამისად გაივლიან მომზადების ეტაპს.

წვრთნების დასრულების შემდეგ:

ა) ფიზიკაში საქართველოს ნაკრები გუნდი წარდგება ფიზიკის 49–ე საერთაშორისო ოლიმპიადაზე, IPhO 2018 (პორტუგალია, ლისაბონი, 21-29 ივლისი);

ბ) მათემატიკაში საქართველოს ნაკრები გუნდი წარდგება მათემატიკის 59-ე საერთაშორისო ოლიმპიადაზე IMO 2018 (რუმინეთი, კლუჟ-ნაპოკა, 3-14 ივლისი);

გ) ინფორმატიკაში საქართველოს ნაკრები გუნდი წარდგება ინფორმატიკის 30-ე საერთაშორისო ოლიმპიადაზე IOI  2018 (იაპონია, ცუკუბა, 1-8 სექტემბერი);

დ) ბიოლოგიაში საქართველოს ნაკრები გუნდი წარდგება ბიოლოგიის 29-ე საერთაშორისო ოლიმპიადაზე IBO 2018 (ირანი, თეირანი, 15-22 ივლისი);

ე) ქიმიაში საქართველოს ნაკრები გუნდი წარდგება ქიმიის 50-ე საერთაშორისო ოლიმპიადაზე IChO 2018 (ჩეხეთი-სლოვაკეთი, პრაღა-ბრატისლავა, 19-29 ივლისი).

წყარო: საერთაშორისო სასწავლო ოლიმპიადები 2018

ტრენინგი ინგლისური ენის მასწავლებლებისთვის

ბრიტანეთის საბჭოს მიერ წარმოდგენილი პროგრამის „პროექტზე დაფუძნებული სწავლება ინგლისური ენის გაკვეთილზე, მასწავლებლის სახელმძღვანელო წიგნის შექმნა და სატრენინგო პროგრამა“ ფარგლებში მასწავლებელთა პროფესიული განვითარების ეროვნული ცენტრი ინგლისური ენის მასწავლებლებს სთავაზობს ტრენინგს " პროექტებით სწავლება".

ტრენინგის მიზანია დაეხმაროს ინგლისური ენის მასწავლებლებს საკუთარ სასწავლო პრაქტიკაში დანერგონ პროექტზე დაფუძნებული სწავლების პრინციპები.

კურსის წარმატებით დასრულების შემთხვევაში მასწავლებლები შეძლებენ პროექტების ინტეგრირებას ენის სწავლების პროცესში.

ტრენინგის მსვლელობისას მონაწილეები დაგეგმავენ პროექტს პროექტზე დაფუძნებული სწავლების ძირითადი მახასიათებლებისა და პრინციპების და ასევე კომუნიკაციური მიმართულებების (კითხვა, მოსმენა, წერა, ლაპარაკი) სწავლების თავისებურებების გათვალისწინებით. მონაწილეები შეძლებენ შეარჩიონ ავთენტური შეფასება სასწავლო მიზნების შესაბამისად და გამოიყენონ განმავითარებელი შეფასების ტექნიკა პროექტების შეფასებისას. ასევე, ტრენინგის მონაწილე ინგლისური ენის მასწავლებლები შეარჩევენ კონკრეტულ ონლაინ რესურსებს ბრიტანეთის საბჭოს მიერ შემოთავაზებული გზამკვლევიდან და დაგეგმავენ პროექტს ეროვნული სასწავლო გეგმით დასახული შედეგების მისაღწევად. დავალებები და აქტივობები მთლიანად მოდის შესაბამისობაში ინგლისური ენის სწავლების თანამედროვე მეთოლოგიასა და ეროვნულ სასწავლო გეგმასთან.

ტრენინგი რეკომენდებულია საჯარო და კერძო სკოლის ინგლისური ენის ყველა მოქმედი მასწავლებლისათვის.

ტრენინგის ხანგრძლივობა: 24 საკონტაქტო საათი. (4 დღე - დღეში 6 საათი) აღნიშნული ტრენინგის სრულად გავლის შემთხვევაში მოგენიჭებათ 1,5 კრედიტქულა.

წყარო: მასწავლებლის სახლი

პირველი ჩანაწერი.

ეს არის ჩემი პირველი ბლოგი. 

👩👩👩

💟💟💟